काठमाडौँ । काठमाडौँसहित देशका विभिन्न स्थानमा ४ जना मृत अवस्थामा फेला परेको नेपाल प्रहरीले जानकारी दिएको छ ।
- काठमाडौँ महानगरपालिका-१८ नरदेवी बस्ने ६७ वर्षीया जुलुमदेवी श्रेष्ठ आफ्नै घरमा शनिबार मृत अवस्थामा फेला परेकी छिन् ।
- बाराको जीतपुरसिमरा उपमहानगरपालिका-१७ सहजनाथ साझेदारी वनको कुलोमा हाल नाम, थर र वतन नखुलेकी अन्दाजी ३६ वर्षीया महिला शनिबार मृत अवस्थामा फेला परेकी छिन् ।
- सप्तरीको शम्भुनाथ नगरपालिका-७ भंगाहास्थित देवधार खोलाको किनारामा हाल नाम, थर र वतन नखुलेकी अन्दाजी ४५ वर्षीया महिला शनिबार मृत अवस्थामा फेला परेकी छिन् ।
- कास्कीको पोखरा महानगरपालिका-१५ पटनेरीस्थित हेग्रन लाइफ स्टफ कृषि फर्ममा काम गर्ने रामेछाप चिसापानी घर भएका १९ वर्षीय निर्मल खत्री सोही फर्मको गोबर सङ्कलन गर्ने खाल्डोमा शनिबार मृत अवस्थामा फेला परेका छन् ।
यस सम्बन्धमा प्रहरीले आवश्यक अनुसन्धान गरिरहेको छ ।
