सिन्धुली कारागारबाट भागेका १ सय ६७ कैदीलाई प्रहरीले पुन नियन्त्रणमा लिएर कारागार प्रशासनलाई बुझाएको छ । सिन्धुली जिल्लाको सदरमुकाम सिन्धुलीमाढीस्थित कारागार कार्यालयबाट बुधवार कारागारको मुख्य गेट तोडेर भागेका कैदी बन्दीलाई प्रहरीले धमाधम नियन्त्रणमा लिएको हो ।
कैदी बन्दीले बुधवार बिहान कारागार भित्र आगजनी गरी मुख्य गेट तोडेर भागेका थिए । गेट तोडेर भागेका मध्ये १४० जना हामीले कारागारमै लगेर राखिसेका छौ, जिल्ला प्रहरी कार्यालय सिन्धुलीका प्रहरी प्रमुख प्रहरी उपरीक्षक लाल ध्वज सुवेदीले भन्नुभयो, अन्य १६ जना महिला कैदी बन्दी भएकाले उहाँहरू प्रहरी नियन्त्रणमा हुनुहुन्छ ।
जिल्ला कारागार सिन्धुलीबाट बुधवार थुनुवा र कैदी गरी २८ पुरुष र ४३ जना महिला भागेका थिए । कारागारमा भएका कैदी र थुनुवा सबै भागेपछि प्रहरीले नेपाली सेना, शसस्त्र प्रहरी र नेपाल प्रहरीले खोजीलाई तीव्रता दिएको थियो ।
बिपी राजमार्गको खुर्कोटबाट काठमाडौँ सुनसरी जलेश्वर लगायतका कारागारबाट भागेका अन्य केही समेत नियन्त्रणमा लिएको प्रहरी उपरीक्षक सुवेदीले जानकारी दिनुभयो । खोजी कार्य तीव्र पारेका छौ, धमाधम नियन्त्रणमा लिने कार्य भइरहेको छ, उहाँले भन्नुभयो ।
