रौतहटमा मोटरसाइकल दुर्घटना : एकजनाको मृत्यु।

रौतहट । रौतहटमा मोटरसाइकल दुर्घटना हुदाँ एक जनाको मृत्यु भएको छ। दुर्घटनामा जिल्ला सप्तरी राजपुर मलनिया वडा नं.९ बस्ने देवनाथ यादवको छोरा अन्दाजी वर्ष ३५ को अशोक कुमार यादवको मृत्यु भएको ईलाका प्रहरी कार्यालय चन्द्रनिगाहपुरका प्रहरी निरीक्षक सोनु कुमार रामले जानकारी दिनुभयो।  जिल्ला रौतहट चन्द्रपुर नगरपालिका वडा नं. ४ काठे पुल स्थित पुर्व-पश्चिम राजमार्गमा पुर्व बाट पश्चिम तर्फ बाट चलाउदै जादै गरेको अबस्थामा चलाएको बा स.१० प ७७३८ नम्बरको मोटरसाइकल अनियन्त्रित भएर दुर्घटना हुँदा उहाँ गम्भीर घाइते हुनुभएको थियो। अनुहार र बाया खुट्टामा चोट लागी घाईते भई उपचारको लागी हाईवे अस्पताल चपुरमा पठाईएको अवस्थामा अस्पतालको डाक्टरले मृत्युु भएको बताए ।  मृत्यु भएको यादवको सव चन्द्रनिगाहपुरका सरकारी अस्पतालमा पोस्टमार्टमको लागि पठाएको प्रहरीले जनाएका छन ।